ROSENDAL MOTEL - Rosendal

Redaktør og disponent i 20 år Knut Hass

Avisgunnleggjaren Olav Aurvoll var sjølvlært redaktør, typograf og trykkjar.

Rosendal Motel held til i det 35 år gamle avishuset til lokalbladet Grenda som har 50-års-jubileum i 2001.Det var avisgründaren Olav Aurvoll frå Sunnmøre som kom til Rosendal og starta Grenda i 1952. Først i kjellarlokala til Rosendal Gjestgiveri, der no Gjøa Pub held til og seinare i eige forretningsbygg på Malmanger der avisa framleis held til.

Etter Olav sin bortgang var det Knut Hass som overtok rolla som "grendamannen". Knut hadde redaktør og disponent-ansvaret i 20 år fram til avisa vart seld ved årskifte 99/2000.

I år 2000 flyttar lokalavisa over til Folgefonn Næringshage som er etablert i den vel 100 år gamle Kvinnherad Ullvarefabrikk nokre hundre meter unna.

Etter som innføring av datasystem i avisproduksjonen førde til minkande plassbehov, byrja vi så smått med romutleige i 1990 i det 700 kvm. store huset. Vi er no kome opp i 7 rom. Når avisa er flytta, har vi som mål å koma opp i 15 rom ved å ominnreia heile huset.

I Grenda-huset er det elles ein moderne frisørsalong.

Gjennom åra har det vore kontor for Kvinnherad Kraftverk, Kvinnherad Trygdekontor, og distribusjonskontor Rosendal Postkontor i tillegg til rom og utstyr for avisproduksjonen. M.a. har det vore eige avistrykkeri og trykkeri for framstilling av vanlege trykksaker. Grenda var den første lokalavisa i Hordaland som fekk eige offset rotasjons-trykkeri.